Արևմուտքը վախենում է Թրամփի արձագանքից․ Politico

Եվրամիության երկրների՝ ԱՄՆ-ից զենք գնելուց հրաժարվելը կբարկացնի Սպիտակ տան ղեկավար Դոնալդ Թրամփին։ Այս մասին գրում է Politico-ն։

Հոդվածում նշվում է, որ Ֆրանսիան պնդում է այս որոշումը։ Երկրի իշխանությունները կարծում են, որ եվրոպացի հարկատուների գումարները պետք է ծախսվեն Եվրոպայում մշակվող և արտադրվող ռազմական համակարգերի վրա, սակայն ԵՄ մյուս երկրները զգուշացնում են ԱՄՆ նախագահի բացասական արձագանքի մասին նման որոշմանը։

«Եթե մենք, որպես Եվրամիություն, պատրաստվում ենք միլիարդներ ներդնել պաշտպանական կարողությունների մեջ և ամուր փակել դուռը Միացյալ Նահանգների առաջ, ի՞նչ եք կարծում, դա լավ կընդունվի՞ Մար-ա-Լագոյում»,- ասել է եվրոպացի դիվանագետը։