«HI AREV»-ը մասնակցել է «Եվրոպա Դոննա-Արմենիա» ընկերության կողմից կազմակերպված ամենամյա «Կյանքը սեր է» բարեգործական համերգին

Պատանի երգչախմբերից «HI AREV» անսամբլը, որ բազմաժանր երգերի կատարումներով հանդես է գալիս հայաստանյան և արտասահմանյան զանազան բեմերում, տարիների կենսագրություն է կերտել։ Անսամբլում ընդգրկված են թոթովախոս քառամյա մանկահասակից մինչեւ պատանեկության վերջին շեմը հասած երեխաներ, նրանք ոչ միայն երգում են, այլեւ իրենց իմացությամբ ու ելույթներով ճաշակ են ձեւավորում իրենց հասակակիցների շրջանում։

Այսօր համույթների առատ քանակի ու հարուստ ժանրերի մեջ անխոս առանձնանում են անհամեմատ պրոֆեսիոնալ խմբերը եւ ազգային դիմագիծ պահոցները, բայց շատ կարեւոր է նաեւ խմբերի համերգների որակն ու դրանց կազմակերպման մակարդակը, PR-ը հանրային լայն շրջանակների եւ սոցցանցային տիրույթում։

Այս խումբը այդ առումով ունի բավականին նրբանկատ մոտեցում, տարբերվող ճաշակ։ «HI Arev»-ի հետ ուսումնառության շրջանում մեծ աշխատանք է տարվում երեխաների հետ ձայնային մշակումից մինչեւ վարքականոններ, բեմում ինքնադրսեւորման, տեսախցիկների հետ աշխատելու գրագիտություն, էսթետիկա եւ այլն, եւ այս ամենի համար կա պրոֆեսիանալ մասնագիտական խումբ։ Այսօր «HI Arev»-ի խմբի ավագ շրջանավարտներից շատերը մուտք են գործել պրոֆեսիոնալ երգարվեստ։ Կատարողներից ոմանք հայտնի երգիչներ են դարձել, նվաճել են Հայաստանից դուրս բեմեր։ Անսամբլի ղեկավար Թագուհի Գևորգյանի համառ աշխատանքի շնորհիվ «HI AREV»-ը պրոֆեսիոնալ պրոդյուսերների հետ է ուրվագծվում համագործակցային կապեր ։

Խմբի երեխաների համերգները ներառվում են պետական մի շարք միջոցառումների գեղարվեստական ծրագրերում ։ Երեւանում գլխավոր տոնածառի լույսերի վառման մյուզիքլային ներկայացումներում էր ներգրավված խումբը, «Էրեբունի-Երևան» պետական միջոցառման ծրագրում է ներառվել, ինչպես նաեւ ֆրանկոֆոնիայի գալա համերգի միջոցառումների ցնակում։ Սրանք նշանակալի հաջողությոններ են խմբի համար եւ մեծ կապերի հնարավորություններ։ Մանկական երգերի հրավառություն էր նաև Ալ․ Սպենդիարյանի անվան ազգային օպերային թատրոնում՝ «Ի սրտե» խորագրով համերգին մասնակցությունը , որտեղ «HI Arev»-ի կատարմամբ հնչեցին երգեր։

«HI AREV»-ը համագործակցում է հայ երգարվեստի պոպուլյար կատարողների հետ։ Մինչ օրս ձայնագրվել և նկարահանվել են բազմաթիվ երգերում և տեսահոլովակներում, այդ թվում՝ Արման Հովհաննիսյանի «Էլի նա», Հարութ Փամբուկչյանի «Հայաստանի բալիկն ենք», Լիդուշիկի «Բարի օր», Դավիթ Թուջարյաննի «1-ը հունիսի», ինչպես նաև «Մանուկների մոլորակում», «Մայր Հայաստան», «Պապա» և այլ երգերի տեսահոլովակներում։ Ի դեպ, «1-ը հունիսի» երգը վերաթողարկվել է նախորդ տարի։ Տարեվերջին «HI AREV»-ը ձայնագրել և նկարահանել է նաև «Ձմեռային այգի» տեսահոլովակը, որը դարձավ երևանյան ամանորյա մանակական լավագույն հիթերից մեկը։

Անսամբլի երգացանկում իրենց ուրույն տեղն են զբաղեցնում ժողովրդական երգերը, որոնք ևս մեծ սեր են վայելում ինչպես հայաստանյան, այնպես էլ սփյուռքի երեխաների կողմից, երգվում են դպրոցական, մանկապատանեկան միջոցառումների ժամանակ։ «HI AREV»-ը մասնակցել է «Եվրոպա Դոննա-Արմենիա» ընկերության կողմից կազմակերպված ամենամյա «Կյանքը սեր է» բարեգործական համերգին։ Անսամբլի գործունեությունը տարեցտարի դառնում է առավել ընդգրկուն, հյուրախաղեր, տեսահոլովակներ, նոր երգերի կատարումներ եւ համերգներ հայաշատ երկրներում։