Իրանագետը կարծում է, որ ռազմական գործողություններ կլինեն, բայց երկարատև պատերազմը հավանական չէ

Այսօր լրագրողների հետ հանդիպմանը պատմական գիտությունների թեկնածու, իրանագետ Գոհար Իսկանդարյանը, խոսելով Պարսից ծոց արևմտյան ռազմական նավատորմի մուտքի ֆոնի ներքո Իրանի նկատմամբ շարունակվող պատժամիջոցներին և նրան՝ արդյոք դա կհանգեցնեն ռազմական բախման, նշեց, որ եթե Իրանը փակի Հորվուզի նեղուցը, ԱՄՆ–ն կդիմի ռազմական գործողույթունների։ Կհանգեցնեն այդ ռազմական գործողությունները երկարատև պատերազմի, բանախոսը դժվարանում է պատասխանել։ Այնուամենայնիվ նա կարծում է, որ գտնվելով նախընտրական շրջանի շեմին՝ ԱՄՆ–ն կխուսափի պատերազմից, որովհետև նրանք չգիտեն, թե ինչ իրավիճակներում կարող են հայտնվել։ Դա կարող է ահաբեկչությունների շատ լուրջ ալիք բերել՝ հաշվի առնելով Իրանի բնակչության շիա մահմեդական լինելու նրբությունները, որ շիա մահմեդականի համար հայրենիքի համար մեռնելը դրախտ ընկնելու ուղիղ ճանապարհ է։ 

Ինչ վրաբերում է այս հարցում ՀՀ–ի դերին, ապա իրանագետը կարծում է, որ Հայաստանի համար ամեն դեպքում ձեռնտու չի հարևան երկրի պատերազմում գտնվելը, քանի որ դա կարող է ոչ միայն փախստականների մեծ թվի պատճառ դառնալ, այլև ազդել մեր տնտեսական վիճակի վրա։