ԱՄՆ-ն դուրս է գալիս ՄԱԿ-ի Մարդու իրավունքների խորհրդից

ԱՄՆ նախագահ Դոնալդ Թրամփը ստորագրել է գործադիր հրաման՝ երկիրը ՄԱԿ-ի Մարդու իրավունքների խորհրդից դուրս բերելու մասին։ Այս մասին հայտնում է Sky News-ը։

Նշվում է, որ ԱՄՆ-ը նաև լքում է Մերձավոր Արևելքում Պաղեստինի փախստականների օգնության և աշխատանքի գործակալությունը (UNRWA): Բացի այդ, Թրամփը հրաման է ստորագրել ԱՄՆ-ի կողմից Իրանի վրա «առավելագույն ճնշում» գործադրելու մասին։

Ավելի վաղ Թրամփը խոստովանել էր, որ ապագայում կարող է վերանայել Առողջապահության համաշխարհային կազմակերպությունից (ԱՀԿ) ԱՄՆ-ին դուրս բերելու իր որոշումը։ Նա հիշեցրել է, որ ԱՄՆ-ն ԱՀԿ-ին տարեկան վճարել է 500 մլն դոլար, իսկ Չինաստանը՝ 39 մլն դոլար։