ԱՄՆ-ը «շատ լավ» բանակցություններ է վարում Ռուսաստանի և Ուկրաինայի հետ․ Թրամփ

ԱՄՆ նախագահ Դոնալդ Թրամփը հերթական անգամ հայտարարել է Ուկրաինայում իր խաղաղապահ առաքելության մասին՝ նշելով, որ Վաշինգտոնը «շատ կառուցողական բանակցություններ է վարում» հակամարտության կողմերի հետ։

Նախագահը համապատասխան հայտարարություն է արել Իսրայելի վարչապետ Բենիամին Նեթանյահուի հետ բանակցություններից հետո կայացած մամուլի ասուլիսում։ Նրա ելույթը հրապարակել է Սպիտակ տան մամուլի ծառայությունը։

«Մենք Ուկրաինայի հարցով շատ լավ բանակցություններ ենք վարում, շատ կառուցողական։ Եվ մենք կապի մեջ ենք ինչպես Ռուսաստանի, այնպես էլ Ուկրաինայի ղեկավարության հետ»,- ասել է Թրամփը։

Նա, սակայն, չի հստակեցրել, թե կոնկրետ ովքեր են մասնակցում բանակցային գործընթացին։ Սակայն ավելի վաղ Կրեմլի խոսնակ Դմիտրի Պեսկովը հայտնել էր, որ Թրամփի հետ շփումներ են նախատեսվում, բայց դեռևս նոր տեղեկություններ չկան։