Որն է Թրամփի ամենածիծաղելի գաղափարը ԱՄՆ պատմության մեջ. CNN
Վերլուծական
Իսրայելի վարչապետ Բենիամին Նեթանյահուն չի կարողացել զսպել քմծիծաղը և դա զարմանալի չէ։ Այս մասին հյատնում է CNN-ի վերլուծաբան Սթիվեն Քոլինսոնը։
Երեքշաբթի օրը Նեթանյահուն Սպիտակ տանը տեսել է՝ ինչպես է նախագահ Դոնալդ Թրամփը կատարում իսրայելա-պաղեստինյան հակամարտության երկար պատմության մեջ ԱՄՆ-ի ամենաապշեցուցիչ միջամտությունը:
Թրամփը բազմիցս կրկնել է իր առաջարկը, որ մոտ 2 միլիոն պաղեստինցիներ պետք է տեղափոխվեն, որպեսզի Միացյալ Նահանգները կարողանա զորքեր մտցնել գոտի, ստանձնել վերահսկողությունը և կառուցել «Մերձավոր Արևելքի Ռիվիերա»:
Մի քանի խոսքով, Թրամփը ներկայացրել է Մերձավոր Արևելքի ապշեցուցիչ աշխարհաքաղաքական վերափոխումը և Նեթանյահուի համար քաղաքական փրկօղակը։
Ամերիկայի նախագահի տեսակետներն այժմ համընկնում են իսրայելցի կոշտ գծի կողմնակիցների ցանկության հետ՝ պաղեստինցիներին դուրս մղելու այն մի մասից, որը նրանք համարում են Իսրայելի սուրբ հող:
