Սպիտակ տունը ցնցված է

Նախագահ Դոնալդ Թրամփի հայտարարությունները Գազայի հատվածի վրա ԱՄՆ-ի երկարաժամկետ սեփականության հնարավորության մասին ցնցել են Սպիտակ տան բարձրաստիճան պաշտոնյաներին: Այս մասին չորեքշաբթի հայտնել է The New York Times-ը՝ հղում անելով աղբյուրներին։

Նրանց տեղեկություններով, թեև նախագահի ելույթը դրսից «պաշտոնական և մտածված» էր թվում, սակայն դրան չեն նախորդել նման դեպքերում պահանջվող խորհրդակցությունները Պետդեպարտամենտի և Պենտագոնի ներկայացուցիչների հետ։ Պաշտպանության նախարարությունը նույնիսկ հնարավորություն չի ունեցել հաշվարկել այս նախաձեռնության արժեքը և մտածել, թե քանի զինվորական կպահանջվի այն իրականացնելու համար և ինչ պլանով են նրանք հետևելու» գրում է հրատարակությունը։