Սպիտակ տունը բացատրել է՝ ինչու են Թրամփին անհրաժեշտ ուկրաինական մետաղները

ԱՄՆ-ը մտադիր է Ուկրաինայից հազվագյուտ հողային մետաղներ ձեռք բերել՝ Կիևին աջակցելու համար ծախսված միջոցները փոխհատուցելու համար։ Այս մասին հայտարարել է Սպիտակ տան Ազգային անվտանգության խորհրդի մամուլի ծառայության ղեկավար Բրայան Հյուզը, նրա խոսքերը հայտնում է NBC-ն։

«Ինչպես ասել է նախագահ Թրամփը, Միացյալ Նահանգները պետք է վերադարձնի այն ամբողջ գումարը, որը ծախսել է կամ պատրաստվում է ծախսել Ուկրաինային օգնության համար»,- մեկնաբանել է նա ամերիկացի առաջնորդի հայտարարությունը։

Նրա խոսքով՝ Սպիտակ տունը քննարկել է, թե ինչպես լավագույնս վերադարձնել միջոցները, սակայն դրա համար ժամկետ դեռևս չի սահմանվել։