ԱՄՆ-ը Մյունխենի անվտանգության համաժողովում կներկայացնի ռուս-ուկրաինական պատերազմին վերջ տալու ծրագիրը․ Bloomberg
Համաշխարհային Մամուլ
Միացյալ Նահանգները պատրաստվում է հաջորդ շաբաթ Գերմանիայում կայանալիք անվտանգության հարցերով Մյունխենի համաժողովում ներկայացնել Ուկրաինայի հակամարտությանը վերջ տալու նախագահ Դոնալդ Թրամփի ծրագիրը: Այս մասին հայտնում է Bloomberg-ը՝ հղում անելով իրազեկ աղբյուրներին։
ԱՄՆ դաշնակիցներն ակնկալում են, որ նախագահ Դոնալդ Թրամփի վարչակազմը հաջորդ շաբաթ Գերմանիայում կայանալիք Մյունխենի անվտանգության համաժողովում կներկայացնի ուկրաինական հակամարտության կարգավորման երկար սպասված ծրագիրը, հայտնում են աղբյուրները:
Ծրագիրը, նրանց խոսքով, կներկայացնի Ուկրաինայի հարցով ԱՄՆ նախագահի հատուկ ներկայացուցիչ Քիթ Քելլոգը։ Ծրագրի տարրերը ներառում են հակամարտության հնարավոր սառեցում: Միևնույն ժամանակ, Ռուսաստանի զինված ուժերի կողմից օկուպացված տարածքը կմնա «անհայտ վիճակում», եթե Ուկրաինային անվտանգության երաշխիքներ տրվեն։
Քելլոգը հաստատել է չորեքշաբթի օրը Մյունխենի հանդիպմանը մասնակցելու պլանները:
«Ես կհանդիպեմ Ամերիկայի դաշնակիցների հետ, ովքեր պատրաստ են աշխատել մեզ հետ»,- գրել է Քելլոգը սոցիալական ցանցերում։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
