Գազայի պատերազմը կավարտվի, եթե ՀԱՄԱՍ-ի առաջնորդները լքեն գոտին․ Նեթանյահու

Իսրայելի վարչապետ Բենիամին Նեթանյահուն ԱՄՆ կատարած այցի ժամանակ հայտարարել է, որ պատրաստ է դադարեցնել հակամարտությունը Գազայի հատվածում, եթե պաղեստինյան ՀԱՄԱՍ շարժման ղեկավարությունը լքի տարածաշրջանը և աքսորվի երրորդ երկիր։ Այս մասին հայտնում է Axios պորտալը՝ հղում անելով ամերիկյան ու իսրայելական աղբյուրներին։

Նեթանյահուն Վաշինգտոն է ժամանել կիրակի օրը՝ որպես առաջին օտարերկրյա առաջնորդ, որին ԱՄՆ նախագահը հրավիրել է Սպիտակ տուն իր երդմնակալությունից հետո:

«ԱՄՆ-ում երկու և Իսրայելում մեկ աղբյուրի համաձայն՝ Իսրայելի վարչապետ Բենիամին Նեթանյահուն Վաշինգտոնում հանդիպումների ժամանակ ներկայացրել է Գազայում պատերազմի ավարտի ծրագիր՝ ՀԱՄԱՍ-ի իշխանությունից հրաժարվելու և նրա առաջնորդների՝ Գազայի հատվածից հեռանալու դիմաց»,- գրում է պորտալը։

Ամերիկյան աղբյուրները նշում են, որ Նեթանյահուն ասել է ամերիկացի պաշտոնյաներին, որ ցանկանում է երկարաձգել հրադադարի համաձայնագրի առաջին փուլը՝ պաղեստինցի բանտարկյալների դիմաց ավելի շատ պատանդներ ազատելու համար: Մեկ այլ աղբյուր հայտնել է, որ իրադարձությունների նման զարգացման դեպքում ոչ ավելի, քան երկու կամ երեք լրացուցիչ իսրայելցի բանտարկյալներ կարող են ազատ արձակվել:

Ամերիկյան աղբյուրները նշում են, որ Նեթանյահուն նշել է, որ եթե առաջին փուլը երկարացվի, նա ՀԱՄԱՍ-ին առաջարկ կներկայացնի բանակցությունների երկրորդ փուլի ընթացքում, որը ներառում է «Գազայում պատերազմի ավարտը և «ավագ» պաղեստինցի բանտարկյալների ազատ արձակումը», որոնց Իսրայելը համաձայնություն չի տվել ազատ արձակել գործարքի առաջին փուլում: