Քննարկումներ են գնում կառավարությունում․ փոխնախարարը՝ «Շրջանառության հարկի մասին» օրենքը վերանայելու պահանջների մասին
Տնտեսություն
«ՓՄՁ–ները պահանջում են, որպեսզի վերանայեք «Շրջանառության հարկի մասին» օրենքը և 5 տոկոս լինի, այլ ոչ թե 10»,– այսպիսի հարց լրագրողն ուղղեց Էկոնոմիկայի փոխնախարար Էդգար Զաքարյանին։
Վերջինս պատասխանեց, որ Էկոնոմիկայի նախարարությունը հարկային քաղաքականությամբ չի զբաղվում։
«Բայց մենք նաև բիզնեսի կողքին ենք և աշխատում ենք բիզնեսին հնարավոինս աջակցել։ Գիտեք, որ բազմիցս հանդիպումներ ենք ունեցել ոսկու առևտրով զբաղվող բիզնեսի ներկայացուցիչների հետ, քննարկումներ են գնում նաև կառավարությունում։ Ամեն դեպքում, մեր բիզնեսն էլ պետք է հասկանա, որ առանց փաստաթղթաշրջանառության հնարավոր չէ բիզնեսով, տնտեսվարությամբ զբաղվել»,– նշեց նա։
Անդրադառնալով լրագրողի դիտարկմանը, թե «փոքր ու միջին բիզնեսի ներկայացուցիչներից շատերը բողոքում են, որ, ըստ էության, փորձում են միայն իրենց միջոցով բյուջեն լցնել, իսկ խոշորների հետ ունեն ընդհուպ մինչև քաղաքական պայմանավորվածություն», փոխանախարարն ասաց․ «Եկեք հերյուրանքներին չպատասխանեմ»։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
