Ռուս-ուկրաինական պատերազմի ավարտից հետո Պետդումա կներկայացվի 36-ժամյա աշխատանքային շաբաթվա մասին օրինագիծ

Պետդումայի աշխատանքի, սոցիալական քաղաքականության հանձնաժողովի անդամ Սվետլանա Բեսարաբը հայտարարել է, որ հատուկ ռազմական գործողության մեջ Ռուսաստանի հաղթանակից հետո քննարկման է ներկայացնելու 36-ժամյա աշխատանքային շաբաթվա մասին օրինագիծը։

«Վստահ եմ, որ եթե հատուկ ռազմական գործողությունում մեր հաղթանակից հետո նման օրինագիծ ներկայացվի, ավելի հեշտ կլինի ընդունել։ Որովհետև այսօր, օբյեկտիվորեն, անարդար կլինի այն ոլորտների նկատմամբ, որոնք գործում են շուրջօրյա։ Օրինագիծը պատրաստ է ներկայացման», - ՏԱՍՍ-ին ասել է Բեսարաբը:

Նրա խոսքով՝ կրճատված աշխատանքային շաբաթը պետք է ներդնել որպես 1-2 տարի տևող փորձ՝ միայն գործատուների կամավոր մասնակցությամբ։

«Ինչպես ցույց է տալիս պրակտիկան, 36-ժամյա աշխատանքային շաբաթն արդեն հնարավոր է կրճատել։ Covid-ի շրջանից սկսած՝ շատ գործատուներ պարզել են, որ իրենց աշխատակիցներին լրացուցիչ հանգստի ժամեր տրամադրելը չի ​​նվազեցնում արտադրողականությունը։ Ավելին, մարդիկ շաբաթվա ընթացքում փորձում են ավելի ինտենսիվ աշխատել, որպեսզի, օրինակ, ուրբաթ կեսօրից չաշխատեն»,- ասել է պատգամավորը։