ՌԴ ԱԽ-ը հայտարարել է՝ Ուկրաինայի կողմից ակտիվացել է մեծ հեռահարության զենքի կիրառումը

Ռուսաստանի Դաշնության Անվտանգության խորհուրդը համակարգում է ջանքերը՝ պատասխանատվության ենթարկելու Ուկրաինայում բոլոր նրանց, ովքեր տվել և կատարել են Ռուսաստանի Դաշնության խաղաղ քաղաքացիների դեմ եծ հեռահարության զենքի կիրառման ավելացման հրահանգներ: Այս մասին հայտնել է ՌԴ Անվտանգության խորհրդի քարտուղարի տեղակալ Ալեքսանդր Գրեբենկինը։

«ՌԴ Անվտանգության խորհրդի ապարատը նշում է վերջին օրերին Ուկրաինայի զինված կազմավորումների կողմից անպաշտպան խաղաղ բնակչության, այդ թվում՝ երեխաների դեմ մեծ հեռահարության կործանարար զենքի կիրառմամբ պատերազմի անմարդկային մեթոդների կիրառման դեպքերի, ինչպես նաև բնակելի շենքերի և սոցիալական օբյեկտների ոչնչացման դեպքերը Ռուսաստանի Դաշնության Ուկրաինային սահմանակից շրջաններում»,- ասել է Անվտանգության խորհրդի քարտուղարի տեղակալը:

Նա ընդգծել է, որ «Ռուսաստանի Դաշնության Անվտանգության խորհրդի ապարատի և նրա աշխատանքային մարմինների գործունեության շրջանակներում միջոցներ են ձեռնարկվում իրավապահ մարմինների գործունեությունը համակարգելու ուղղությամբ, որոնք ուղղված են՝ ապահովելու, որ բոլորը՝ և՛ հանցավոր հրամաններ կատարողները, և՛ դրանք տված պաշտոնյաները, պատասխանատվության ենթարկվեն»։

«Ուկրաինայի զինված ուժերի կողմից իրականացված վայրագությունների այլ օրինակներ էլ կան։ Քաղաքակիրթ աշխարհում նման միտումնավոր գործողություններն արգելված են և դասվում են մարդկության դեմ ուղղված ամենալուրջ ռազմական հանցագործությունների շարքը և վաղեմության ժամկետ չունեն»,- հավելել է նա։