Պուտինը հայտարարություն չի նախատեսում AZAL-ի վերաբերյալ․ Պեսկով
Ռուսաստան
ՌԴ նախագահ Վլադիմիր Պուտինը չի նախատեսում հայտարարություն անել ադրբեջանական AZAL ավիաընկերության կործանման հետ կապված։ Այս մասին լրագրողներին հայտնել է նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ոչ, պլաններ չկան», - ասել է նա՝ մեկնաբանելով ադրբեջանական լրատվամիջոցների հրապարակումը, ըստ որի՝ ավիաաղետի մեղավոր է «առաջադրվում» Ռուսաստանը։
Նախօրեին հրապարակվել է Ղազախստանի Ակտաու օդանավակայանի մոտ «Ադրբեջանական ավիաուղիներ»-ի ինքնաթիռի կործանման հետաքննության նախնական զեկույցը։
Փաստաթուղթը ոչ մի եզրակացություն չի պարունակում ինքնաթիռի կործանման պատճառների մասին, սակայն, մասնավորապես, նշվում է, որ օդանավի բեկորների նախնական զննման ժամանակ հայտնաբերվել են անցքեր, իսկ օդանավում հայտնաբերվել են վնաս և օտար մանր մետաղական առարկաներ, որոնց լուսանկարները ներկայացված են զեկույցում։
Սակայն, ինչպես նշվում է փաստաթղթում, դրանք ուղարկվել են փորձաքննության՝ «օտար առարկաներից պատճառված վնասի բնույթն ու ծագումը պարզելու համար»։ Բացի այդ, զեկույցը ներառում է օդաչուների և ավիադիսպետչերների խոսակցությունները:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
