ԱՄՆ-ում սպասվում են զանգվածային կրճատումներ

Սպիտակ տան ղեկավար Դոնալդ Թրամփի վարչակազմը մտադիր է աշխատանքից ազատել Առողջապահության և մարդկային ծառայությունների նախարարության հազարավոր աշխատակիցների։ Այս մասին հայտնում է The Wall Street Journal-ը՝ հղում անելով սեփական աղբյուրներին։

Նրանց տեղեկություններով՝ ԱՄՆ նախագահի վարչակազմն արդեն պատրաստում է գործադիր հրաման, որի ստորագրումից հետո Հիվանդությունների վերահսկման և կանխարգելման կենտրոնները, Սննդի և դեղերի վարչությունը և ԱՄՆ Առողջապահության նախարարության ենթակայությամբ գործող այլ գերատեսչությունները պետք է կրճատեն իրենց անձնակազմը։

Սպասվում է, որ հրամանագիրը ստորագրվելու է հաջորդ շաբաթ, երբ կլրանա հետաձգված աշխատանքից ազատվելու առաջարկի ժամկետը։

Այս դեպքում դաշնային կառավարության աշխատակիցները ութ ամսվա վարձատրության դիմաց կկարողանան լքել իրենց պաշտոնը սեփական պահանջով։