Մակրոնը Թրամփին կոչ է արել «լուծել առաջնահերթ խնդիրները», ոչ թե սպառնալ ԵՄ-ին
Համաշխարհային Մամուլ
ԱՄՆ-ի համար Եվրոպայի հետ հարաբերությունները առաջնահերթ խնդիր չեն: Այս մասին հայտարարել է Ֆրանսիայի նախագահ Էմանուել Մակրոնը՝ նկատի ունենալով նախագահ Դոնալդ Թրամփի՝ եվրոպական ապրանքների համար մաքսատուրքեր սահմանելու սպառնալիքը, գրում է CNN-ը։
«Եվրամիությո՞ւնն է ձեր առաջնային խնդիրը։ Ձեր առաջնային խնդիրը Չինաստանն է, այնպես որ, պետք է կենտրոնանաք դրա վրա: «Երկրորդ, Եվրոպան ձեր դաշնակիցն է, և եթե ցանկանում եք, որ Եվրոպան ավելի շատ ներգրավված լինի ներդրումների, պաշտպանության և անվտանգության հարցերում, եթե հույս ունեք զարգացման վրա, որը, կարծում եմ, բխում է Միացյալ Նահանգների շահերից, մի՛ վնասեք եվրոպական տնտեսությանը` սպառնալով նրան մաքսատուրքերով», - ասել է նա:
Մակրոնը հավելել է, որ արժեշղթայում ԱՄՆ-ի և ԵՄ-ի միջև ինտեգրումը շատ բարձր է, և եթե մաքսատուրքեր մտցվեն, բուն ԱՄՆ-ում կլինի գնաճ։
Մակրոնը կոչ է արել ԱՄՆ-ին կենտրոնանալ ուկրաինական և մերձավորարևելյան ճգնաժամերի, ինչպես նաև Չինաստանի հետ առճակատման վրա։ Որպես մտահոգության ոլորտներ՝ նա նշել է նաև արհեստական ինտելեկտը և կանաչ տեխնոլոգիաները։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
