Կոլումբիայի նախագահը պահանջել է նախարարների հրաժարականը

Կոլումբիայի նախագահ Գուստավո Պետրոն նախարարներից և վարչական գերատեսչությունների ղեկավարներից պահանջել է հրաժարական տալ, գրում է ՏԱՍՍ-ը։

«Պահանջել եմ նախարարների և վարչական գերատեսչությունների տնօրենների պաշտոնական հրաժարականը։ Որոշ փոփոխություններ կլինեն նախարարների կաբինետում, որպեսզի հասնենք ժողովրդի կողմից սահմանված ծրագրին ավելի մեծ համապատասխանության»,- գրել է պետության ղեկավարը։

Պետրոն հավելել է, որ իր կառավարությունը «ամբողջությամբ կկենտրոնանա ծրագրի իրականացման վրա»՝ հանուն երկրի զարգացման։

Փետրվարի 5-ին Կոլումբիայի ներքին գործերի նախարար Խուան Ֆերնանդո Քրիստոն խնդրել է կառավարության նախարարներին հրաժարական տալ տարաձայնությունների պատճառով։ Ավելի վաղ երկրում տեղի է ունեցել Նախարարների խորհրդի նիստ, որտեղ, ի թիվս այլ հարցերի, քննարկվել են կառավարությունում նոր նշանակումները՝ Արմանդո Բենեդետին որպես նախագահի վարչակազմի ղեկավար, և 30-ամյա Լաուրա Սարաբիան՝ արտաքին գործերի նախարար։ Կառավարության որոշ անդամներ, այդ թվում՝ հանրապետության փոխնախագահ Ֆրանսիա Մարկեսը, դեմ են արտահայտվել կատարված նշանակումներին։ Ճգնաժամի լրացուցիչ խթանիչը Գուստավո Պետրոյի որոշումն էր՝ ուղիղ հեռարձակել հանդիպումը տեղական հեռուստատեսությամբ, որի ընթացքում կառավարության անդամների միջև առկա հակասությունները բացահայտվեցին հանրությանը։