Քանյե Ուեսթը սկսել է սվաստիկայով սպիտակ շապիկներ վաճառել (լուսանկարներ)

Ռեփեր Քանյե Ուեսթը սկսել է սվաստիկայով շապիկներ վաճառել։ Այս մասին նա հայտարարել է ԱՄՆ-ում Ֆուտբոլի ազգային լիգայի (NFL) վճռորոշ խաղի հեռարձակման ժամանակ գովազդային բլոկում։

Քանյե Ուեսթին պատկանող Yeezy բրենդի կայքում սվաստիկայով սպիտակ շապիկներ են հայտնվել։ Ապրանքը, որը վաճառվում է մի քանի չափսերով, արժե 20 դոլար։ Սա միակ ապրանքն է, որը ներկայումս նշված է ապրանքանիշի պաշտոնական կայքում:

2025 թվականի սկզբին ամերիկացի ռեփերը հայտնվեց միանգամից մի քանի սկանդալների կենտրոնում։ Երաժիշտը հասցրել է հայտարարել, որ ունի աուտիզմ և, դիմելով սևամորթներին, ստրկությունն անվանել է «ընտրություն»։ Ավելի ուշ Ուեսթը X հարթակի իր միկրոբլոգում հրապարակել է մոտ 20 գրառում՝ «Բոլոր սպիտակամորթները ռասիստներ են», «Ես սիրում եմ Հիտլերին» և այլ խորագրերով: 

Ավելի վաղ ինչպես հայտնել ենք, Քանյե Ուեսթի՝ Ադոլֆ Հիտլերի և նացիզմի մասին ռեփերի վերջին գրառումների պատճառով՝ Ռուսաստանում դիմել են ԱԳՆ՝ պահանջելով արգելել նրա մուտքը երկիր։ Նրանք կոչ են արել ամերիկացի ռեփերին Ռուսաստանում «պերսոնա նոն գրատա» հայտարարել։