Իսրայելը պետք է փոխհատուցի Գազայի վնասները․ Էրդողան

Իսրայելը պատասխանատու է Գազայի հատվածի ցեղասպանության և ավերածությունների համար, որը գնահատվում է 100 միլիարդ դոլար, և պետք է միջոց գտնի վնասը փոխհատուցելու համար: Այս մասին հայտարարել է Թուրքիայի նախագահ Ռեջեփ Թայիփ Էրդողանը, հայտնում է ՏԱՍՍ-ը։

«Գազայում ավերածությունների ծավալը գնահատվում է 100 միլիարդ դոլար, դրա համար պատասխանատու են Իսրայելը և Նեթանյահուի կառավարությունը: Իսրայելի իշխանությունները նախ պետք է վճարեն ավերածությունների համար, ապա սկսեն Գազայի վերականգնման գործընթացը: Նեթանյահուն Գազայի բնակիչների համար վայրեր փնտրելու փոխարեն, որոնց նա չի կարողացել վտարել իրենց հողերից, պետք է միջոցներ փնտրի Գազային իր հասցրած 100 միլիարդ դոլարի վնասը ծածկելու համար», ասել է Թուրքիայի ղեկավարը Մալայզիայի մայրաքաղաք Կուալա Լումպուրում։