Հյուսիսային Կորեան և Ռուսաստանը համատեղ արտադրություն կսկսեն

Ռուսաստանը Հյուսիսային Կորեային տեխնիկական աջակցություն է տրամադրել մի քանի տեսակի մարտական ​​անօդաչու թռչող սարքերի մշակման համար, որոնց զանգվածային արտադրությունը Փհենյանը նախատեսում է սկսել այս տարի, ճապոնական NHK-ին հայտնել են աղբյուրները։

Նրանք ասել են, որ դա համաձայնագրի մի մասն է, որի համաձայն Հյուսիսային Կորեան զորքեր է ուղարկել՝ օգնելու Ռուսաստանի նախագահ Վլադիմիր Պուտինին Ուկրաինայի հետ պատերազմում: Միաժամանակ, հրատարակության զրուցակիցները նշել են, որ Ռուսաստանը չի ցանկանում օգնել Հյուսիսային Կորեային միջուկային զենք ստեղծելու հարցում՝ վախենալով ԱՄՆ-ի ու Չինաստանի արձագանքից։

Հյուսիսային Կորեան ուժեղացրել է անօդաչու թռչող սարքերի արտադրությունը այն բանից հետո, երբ նոյեմբերին Կիմ Չեն Ընն անձամբ է ստուգել կամիկաձեի անօդաչու թռչող սարքը և պատվիրել է զենքի զանգվածային արտադրություն, հայտնում է Հարավային Կորեայի շտաբի պետի միացյալ ծառայությունը:

Պատերազմի ուսումնասիրման ամերիկյան ինստիտուտը կարծում է, որ Փհենյանը Ուկրաինայի հետ պատերազմը դիտարկում է որպես սեփական ռազմական ներուժի փորձադաշտ, որը արդեն տվել է իր պտուղները։ Հյուսիսային Կորեան բարելավել է իր K-23, K-23A և K-24 փոքր հեռահարության բալիստիկ հրթիռների ճշգրտությունը, որոնք նա փոխանցել է ռուս զինվորականներին՝ մարտի դաշտում օգտագործելու համար, հայտնել են Reuters-ի աղբյուրները։