ՄԱԿ-ում մատնանշել են Արևմուտքի «ընտրովի կուրությունն ու խլությունը» Ուկրաինայի հարցում
Համաշխարհային Մամուլ
Արևմտյան պատվիրակությունները «ընտրովի կուրություն և խլություն» են ցուցաբերում Ուկրաինայում ստեղծված իրավիճակի վերաբերյալ։ Այս մասին ՏԱՍՍ-ին հայտնել է ՄԱԿ-ում Ռուսաստանի մշտական ներկայացուցչի առաջին տեղակալ Դմիտրի Պոլյանսկին, գրում է Gazeta-ն։
«Այստեղ ավելի շուտ երկու գործոն կա. առաջինը մեր արևմտյան գործընկերների ընտրովի կուրությունն ու խլությունն է և նրանց երկակի ստանդարտները Ուկրաինայի իրավիճակի, այդ թվում՝ մարդու իրավունքների և նացիստների համագործակիցների փառաբանման նկատմամբ», - ասել է դիվանագետը։
Պոլյանսկին պարզաբանել է, որ արևմտյան երկրները ուշադրություն չեն դարձնում Ուկրաինայում նացիստների համախոհների հերոսացմանը։ Միաժամանակ, ինչպես նշել է մշտական ներկայացուցչի առաջին տեղակալը, Եվրոպայում դա պատժվում է օրենքով։
Անցյալ տարվա դեկտեմբերին ՄԱԿ-ի Գլխավոր ասամբլեան ընդունեց Ռուսաստանի առաջարկած բանաձևը՝ նացիզմի հերոսացման դեմ պայքարի վերաբերյալ։ Փաստաթուղթը, որը պարունակում է 74 կետ, դատապարտում է Երկրորդ համաշխարհային պատերազմի արդյունքների վերանայումը, նացիստական ռեժիմի հերոսացումը և ռասիզմի քարոզչությունը։ Դրան աջակցել է 119 երկիր, դեմ է քվեարկել 53-ը, այդ թվում՝ Գերմանիան, Իտալիան և ԱՄՆ-ը։
ՈՒՂԻՂ ԵԹԵՐ
Ամենադիտված 
Օսմանյան բանակի հայ սպայի թոռը դարձել է Թուրքիայի քաղաքացի
