Քելլոգը առաջիկա շաբաթներին Թրամփին կներկայացնի Ուկրաինայի հարցով առաջարկները․ Bloomberg
Համաշխարհային Մամուլ
Ուկրաինայում ԱՄՆ նախագահի բանագնաց, պաշտոնաթող գեներալ Քիթ Քելլոգը ծրագրում է առաջիկա շաբաթներին Դոնալդ Թրամփին ներկայացնել հակամարտությունը դադարեցնելու տարբերակներ, հայտնում է Bloomberg-ը։
Քելլոգը նախատեսում է խոսել պաշտոնյաների հետ Մյունխենի անվտանգության համաժողովում և Կիև այլ եվրոպական մայրաքաղաքներ այցելությունների ժամանակ:
Քելլոգը պատրաստվում է միայն Թրամփին ներկայացնել կարգավորման տարբերակներ, ինչի մասին նա ինքն է տեղեկացրել իր դաշնակիցներին։ ԱՄՆ նախագահի ներկայացուցիչը պատրաստվում է հանդիպել ՆԱՏՕ-ի յուրաքանչյուր երկրի ներկայացուցիչների հետ՝ գործողությունները համակարգելու համար: Սա հիմք կստեղծի Թրամփի, Վլադիմիր Պուտինի և Զելենսկու միջև ուղիղ բանակցությունների համար։ Բանագնացը չի նախատեսում այցելել Մոսկվա իր Եվրոպա կատարած այցի ընթացքում, հայտնել են Bloomberg-ի աղբյուրները։
«Ակնկալվում է, որ Քելլոգը եվրոպացի պաշտոնյաների հետ կքննարկի նրանց պատրաստակամությունը՝ առաջնորդություն ստանձնելու զսպող ուժեր ուղարկելու հարցում՝ խաղաղ կարգավորում ապահովելու համար: Թեև Միացյալ Նահանգները դժվար թե զորքեր տրամադրի այդ ջանքերի համար, այն կարող է առաջարկել աջակցության այլ ձևեր»,-ասել են աղբյուրները:
ՈՒՂԻՂ ԵԹԵՐ
Ամենադիտված 
Պայթյուն՝ Երևանում․ Կան վիրավորներ
