ԱՄՆ-ը դադարեցնում է Ուկրաինայում ռազմական հանցագործությունների հետաքննության ֆինանսավորումը․ Reuters

Միացյալ Նահանգները դադարեցնում է Ուկրաինայում ռազմական հանցագործությունների հետաքննության ֆինանսավորումը։ Այս մասին հայտնում է Reuters-ը՝ հղում անելով աղբյուրներին և ներքին ուկրաինական փաստաթղթին։

Միջոցառումները վերաբերում են 89 միլիոն դոլար ընդհանուր բյուջեով վեց նախագծերին՝ ներառյալ, այսպես կոչված, Ուկրաինայում հատկապես ծանր հանցագործությունների հետաքննության խորհրդատվական խումբը: Ներկայումս դրանցից առնվազն հինգի ֆինանսավորումը սառեցվել է։ Երկու ծրագիր աջակցվել է Միացյալ Նահանգների Միջազգային Զարգացման Գործակալության (USAID), երեքը՝ Թմրամիջոցների դեմ պայքարի և իրավապահ մարմինների միջազգային բյուրոյի, իսկ մեկը՝ ուղղակիորեն Պետդեպարտամենտի կողմից: Բացի այդ, այս նախագծերի վրա աշխատող տասնյակ աշխատակիցներ կրճատվել են։

Նշվում է, որ ֆինանսավորման կրճատումը կապված է Դոնալդ Թրամփի վարչակազմի հրամանի հետ՝ 90 օրով դադարեցնել արտաքին օգնությունը՝ ծրագրերը վերանայելու համար։ Նրանց հետագա ճակատագրի վերաբերյալ որոշումը կկայացվի ստուգման արդյունքների հիման վրա, որը վերահսկում է պետքարտուղար Մարկո Ռուբիոն։