Երկրի հետ մեծ աստերոիդի բախման հավանականությունը կրկնապատկվել է․ ի՞նչ կա վախենալու
Գիտություն և Մշակույթ
Հավանականությունը, որ նոր հայտնաբերված աստերոիդը կհարվածի Երկրին 2032 թվականին, կրկնապատկվել է։ Այս մասին հայտնում է Euronews-ը։
ՆԱՍԱ-ի նոր դիտարկումները այդ գնահատականը բարձրացրել են մինչև 2,3 տոկոս: Նախկինում ԱՄՆ տիեզերական գործակալությունը այս ռիսկը գնահատել էր մոտ 1 տոկոս: Չնայած այն մնում է բավականին ցածր, գիտնականները շարունակում են ուշադիր հետևել աստերոիդի հետագծին:
2024 YR4-ը տեսանելի կլինի մինչև ապրիլ: Այս ընթացքում աստերոիդին շարունակելու են վերահսկել Աստերոիդների նախազգուշացման միջազգային ցանցի ցամաքային աստղադիտակները։
Հետազոտողների կարծիքով, 2024 YR4-ի ինֆրակարմիր պատկերներ ստանալը թույլ կտա գիտնականներին հնարավորինս ճշգրիտ որոշել այս երկնային մարմնի չափերը, ինչը դժվար է անել օպտիկական աստղադիտակների միջոցով՝ աստերոիդի մակերեսի արտացոլման ճշգրիտ գնահատականների բացակայության պատճառով:
Աստերոիդից բխող սպառնալիքը գնահատվել է Թուրինի սանդղակի 3-րդ մակարդակում: 3 (դեղին մակարդակ) գնահատականը նշանակում է, որ այս աստերոիդը, ամենայն հավանականությամբ, կբախվի Երկրին, բայց դա կլինի տեղայնացված հարված, այլ ոչ թե գլոբալ վնաս պատճառելու: Հնարավոր է նաև, որ այս կատեգորիայի աստերոիդների բախման հավանականությունը զրոյի հասցվի ավելի ճշգրիտ հաշվարկների արդյունքում։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
