Ադրբեջանի և Ռուսաստանի գործընկերությունը լավագույն դեպքում իրավիճակային եմ համարում․ Զատուլին

Չնայած Ադրբեջանին որպես Ռուսաստանի Դաշնության բարեկամ և դաշնակից ներկայացնելու բոլոր փորձերին, ես մեր գործընկերությունը լավագույն դեպքում իրավիճակային եմ համարում։ Говорит Москва ռադիոկայանի հետ զրույցում նման կարծիք է հայտնել խորհրդարանի Ստորին պալատի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։

«Ադրբեջանի կողմից դժգոհությունների սրացում կա: Երբ խոսք գնաց ավիավթարի ողբերգության մասին, կարելի էր հասկանալ, թե ինչ դառնություն է զգացվում ոչ միայն Ադրբեջանում, այլև Ռուսաստանի Դաշնությունում։ Որոշակի պատճառներով Ադրբեջանը որոշեց որքան հնարավոր է երկար գրգռել այդ վերքը, թեև Ռուսաստանը ներողություն խնդրեց», ասել է նա։

«Ռուսաստանն ինքը խոցելի վիճակում է, քանի որ վիճում է հավաքական Արևմուտքի հետ: Սա ճիշտ ժամանակն է ցույց տալու ձեր իսկական վերաբերմունքը թե՛ ռուսական տան, թե՛ Ռուսաստանի Դաշնության նկատմամբ: Չնայած Ադրբեջանին որպես Ռուսաստանի Դաշնության բարեկամ և դաշնակից ներկայացնելու բոլոր փորձերին, ես մեր գործընկերությունը լավագույն դեպքում իրավիճակային եմ համարում։ Ես չգիտեմ, թե Ադրբեջանը ում հետ է բարեկամ բացի իրենից, բայց նա Թուրքիայի համար կրտսեր ռազմավարական գործընկեր է և կրտսեր դաշնակից։ Ռուսաստանի համար նա դաշնակից չի եղել ու չի լինի, ամենայն հավանականությամբ՝ հաշվի առնելով Ադրբեջանի ղեկավարության ներկայիս գործողությունների ուղղությունը։ Այն չի վարանում մեզ համար խնդիրներ ստեղծել ոչ միայն Ռուսական տան, այլեւ շատ այլ հարցերում։ Եթե ​​մինչ այժմ փորձում էինք դա չնկատել, ապա այժմ դա պարզ է դառնում նույնիսկ կույրերի ու խուլերի համար»,- նկատել է Զատուլինը։