Ադրբեջանի պետական անվտանգության ծառայությունը ձերբակալել և Հորդանանից Ադրբեջան է տեղափոխել պետական դավաճանության մեջ մեղադրվողին (Լուսանկար)

Բաքվի Սաբաիլի շրջանային դատարանում Ադրբեջանի քաղաքացի Ազեր Ակիֆ օղլու Բաղիրովի նկատմամբ խափանման միջոց ընտրելու գործով դատավարություն է տեղի ունեցել։

Ըստ տեղեկությունների՝ լրտեսության մեջ մեղադրվող Ազեր Բաղիրովը ձերբակալվել է Հորդանանում և բերվել Ադրբեջան՝ Ադրբեջանի պետական ​​անվտանգության ծառայության կողմից իրականացված միջոցառումների արդյունքում։

Գործի նյութերից երևում է, որ օտարերկրյա պետության հատուկ ծառայությունը հավաքագրել է Ադրբեջանի քաղաքացի Ազեր Բաղիրովին՝ երրորդ երկրներում իր մասնակցությունը սադրիչ գործողություններին թաքցնելու նպատակով։ Ադրբեջանական լրատվամիջոցները հաղորդում են, որ Բաղիրովը դիտավորյալ վնասել է  պետության շահերը արտերկրում և զբաղվել լրտեսական գործունեությամբ՝ օգտագործելով Ադրբեջանի քաղաքացու իր կարգավիճակը։

Դատարանը Բագիրովի նկատմամբ խափանման միջոց է ընտրել կալանքը՝ Քրեական օրենսգրքի 274 հոդվածով (պետական ​​դավաճանություն)։

Թարգմանությունը՝ Lurer.com-ի