Թրամփի հատուկ բանագնացը գաղտնի առաջադրանք է ստացել․ NYT
Համաշխարհային Մամուլ
ԱՄՆ նախագահ Դոնալդ Թրամփը գաղտնի հանձնարարել է Մերձավոր Արևելքի գծով իր հատուկ բանագնաց Սթիվ Ուիտկոֆին դյուրացնել Ռուսաստանի հետ բանակցությունները Ուկրաինայում պատերազմի ավարտի համար, գրում է The New York Times-ը՝ հղում անելով իրազեկ աղբյուրներին։
Տեղեկությունը հայտնի է դարձել այն բանից հետո, երբ Ուիտկոֆն այցելել է Մոսկվա, որտեղ ռուսական կողմը նրան է փոխանցել ԱՄՆ քաղաքացի Մարկ Ֆոգելին, ով նախկինում Ռուսաստանում դատապարտվել էր 14 տարվա ազատազրկման։
Ըստ NYT-ի աղբյուրների, մի քանի շաբաթ առաջ Թրամփը գաղտնի լիազորել է Ուիտկոֆին «ընդլայնել իր հասանելիությունը Մերձավոր Արևելքից դուրս»՝ ռուս պաշտոնյաների հետ երկխոսություն սկսելու համար։
Թրամփը վստահ է, որ իր վաղեմի դաշնակիցն ունի դիվանագիտական հմտություններ, որոնք անհրաժեշտ են Ուկրաինայում հակամարտությունը դադարեցնելու համար, նշում է հրատարակությունը։
Պարբերականը գրում է նաև, որ այս պահին անհասկանալի է մնում՝ արդյոք Թրամփի և Պուտինի միջև անձնական խոսակցություն է տեղի ունեցել։ Երկու կողմերի պաշտոնյաները չեն հաստատել նման շփումը, սակայն Թրամփի վարչակազմի մի քանի բարձրաստիճան անդամներ, ովքեր սովորաբար տեղյակ էին նման զանգի մասին, ասել են, որ այդ մասին տեղեկություն չունեն:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
