ԱՄՆ-ը մտադիր է փակել մի քանի հյուպատոսություններ. NBC
Համաշխարհային Մամուլ
ԱՄՆ նախագահ Դոնալդ Թրամփը և նրա վարչակազմը կարող են որոշել ամբողջ աշխարհում մի քանի հյուպատոսություններ փակել։ Այս մասին հայտնում է NBC հեռուստաալիքը։
Հոդվածում նշվում է, որ ամերիկյան ղեկավարությունը դիտարկում է Կանադայում և Մեքսիկայում դիվանագիտական ներկայացուցչությունները փակելու հնարավորությունը։ Նույնը վերաբերում է Ֆրանսիային, Գերմանիային և մի շարք այլ երկրների։
Ըստ լրագրողների՝ իշխանությունները ցանկանում են կրճատել ԱՄՆ Պետդեպարտամենտի (որը գործում է՝ որպես արտաքին գործերի նախարարություն) ծախսերը։ Նշվում է, որ երկրի ղեկավարն արդեն ծանոթացել է համապատասխան նախաձեռնությանը, սակայն կոնկրետ հանձնարարականներ դեռ չի տվել։
Իր հերթին, երկրի արտաքին քաղաքականության վարչությունը հյուպատոսություններից պահանջել է տեղեկատվություն տրամադրել իրենց գործունեության մասին։
Թրամփը պաշտոնապես նախագահի պաշտոնը ստանձնել է 2025 թվականի հունվարի 20-ին։ Սրանից անմիջապես հետո ԱՄՆ կառավարության արդյունավետության նոր դեպարտամենտը (DOGE)՝ գործարար Իլոն Մասկի գլխավորությամբ, սկսեց դաշնային բյուջեի ծախսերի աուդիտը։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
