Եվրամիությունը որքան զորք կկարողանա ուղարկել Ուկրաինա․ NYT

Եվրոպական երկրների ներկայացուցիչները չեն կարողանա 200 000 խաղաղապահ ուղարկել Ուկրաինա, ինչն ակնկալում է Ուկրաինայի նախագահ Վոլոդիմիր Զելենսկին։ Այս մասին հայտնում է The New York Times-ը։

«Նույնիսկ ավելի համեստ թվով եվրոպացի զինվորներ, ասենք 40 000,  մայրցամաքի համար դժվարամատչելի թիրախ կդառնան դանդաղ տնտեսական աճով, զորքերի պակասով և պաշտպանվելու համար ռազմական ծախսերը մեծացնելու անհրաժեշտությամբ», - ասել է նա:

Հրատարակության համաձայն՝ զինվորականների այս թիվը չի բավականացնի ռուսական կողմին զսպելու համար։ Ըստ Լոուրենս Ֆրիդմանի՝ Լոնդոնի Քինգս քոլեջի պատերազմական ուսումնասիրությունների պրոֆեսորի, Ուկրաինայի զինված ուժերին պետք է ավելի քան 100 000 զինվոր, որոնք պատրաստ կլինեն  առաջնագծում կանոնավոր ռոտացիա ապահովել արտակարգ իրավիճակներում:

Ավելի վաղ Մյունխենի անվտանգության համաժողովի նախկին ղեկավար Վոլֆգանգ Իշինգերը հայտարարել էր, որ Ուկրաինայի տարածքում խաղաղապահ զորախումբ տեղակայելու Եվրոպայի ունակությունը կասկածելի է։ Նրա խոսքով, ըստ հաշվարկների, հանրապետությունում անվտանգությունն արդյունավետ ապահովելու համար անհրաժեշտ է տեղակայել 50 հազարից մինչև 200 հազար զինվորական։