ԵՄ-ին անդամակցելու Հայաստանի ցանկությունը Երևանի ինքնիշխան իրավունքն է․ Պեսկով

ՌԴ նախագահի մամուլի քարտուղար Դմիտրի Պեսկովը ԵՄ-ին անդամակցելու Հայաստանի ցանկությունն անվանել է Երևանի ինքնիշխան իրավունք։ Այս մասին հայտնում է Ria Novosti-ն։

Չորեքշաբթի Հայաստանի խորհրդարանն ընդունել է արևմտամետ ուժերի կողմից մշակված օրինագիծը, որով նախատեսվում է սկսել հանրապետության՝ Եվրամիությանն անդամակցելու գործընթացը, չնայած այն հանգամանքին, որ միությունն ինքը երկրին անդամակցության առաջարկ չի արել։

Ընդդիմությունն իր հերթին այս փաստաթուղթն անվանել է իրավաբանորեն անհեթեթ եւ առանց իրավական հետեւանքների։

«Սա Հայաստանի ինքնիշխան իրավունքն է, իհարկե, և՛ իրենք՝ հայերը, և՛ բոլորը պետք է հասկանան, թե որքանով է սա փոխադարձ ցանկություն, և ինչպես են եվրոպացիները վերաբերվում դրան: Մենք գիտենք շատ երկրների փորձը, որոնք դրվել են, այսպես ասած, երկար հերթի մեջ, մի հերթ, որը չափվում է տասնամյակներով»,- ասել է Պեսկովը՝ պատասխանելով լրագրողների հարցին՝ ԵՄ-ին անդամակցելու գործընթացի մասին օրինագծի առաջին ընթերցմամբ Հայաստանի խորհրդարանի ընդունման մասին։