Թրամփը ցանկանում է՝ Չինաստանը դեր խաղա Ուկրաինայի խաղաղության գործում. Սի Ծինփինը պատրա՞ստ է օգնել․ CNN

Ուկրաինայում պատերազմը թևակոխում է երրորդ տարին, և ԱՄՆ նախագահ Դոնալդ Թրամփը պարզ է դարձրել, թե որ համաշխարհային առաջնորդն է, իր կարծիքով, կարող օգնել Ամերիկային վերջ տալ հակամարտությունը՝ Վլադիմիր Պուտինի դաշնակից Սի Ծինփինը: Ակս մասին գրում է CNN-ի վերլուծաբան Սիմոն Մքքարթին։

«Հուսով եմ՝ Չինաստանը կօգնի մեզ դադարեցնել պատերազմը, մասնավորապես Ռուսաստանի և Ուկրաինայի հետ, նրանք այս իրավիճակում մեծ ուժ ունեն, և մենք կաշխատենք նրանց հետ», - ասել է Թրամփը:

Թեև Թրամփը կարող է բարդացրել Սիի հետ խաղաղություն հաստատելու իր ծրագիրը՝ այս ամսվա սկզբին չինական ապրանքների համար ԱՄՆ ներմուծման 10% մաքսատուրքեր սահմանելով, Ուկրաինայի պատերազմը կարող է դառնալ համագործակցության հազվագյուտ խնդիր, հատկապես, երբ Պեկինը փորձում է կանխել առևտրային լարվածության խորացումը:

«Հաշվի առնելով ԱՄՆ-Չինաստան հարաբերություններում առկա խաղադրույքները, եթե Թրամփը դիտարկում է Չինաստանի համագործակցությունը որպես միակ կարևորագույն խնդիր, որը կարող է բարելավել ԱՄՆ-Չինաստան հարաբերությունները, ես կարծում եմ, որ Չինաստանը շատ շահագրգռված կլինի օգտակար դեր խաղալ», - ասել է Վաշինգտոնում Stimson վերլուծական կենտրոնի Չինաստանի ծրագրի տնօրեն Յուն Սունը:

Միևնույն ժամանակ, նա հավելել է, որ Պեկինը զգուշանալու է Ռուսաստանի հետ իր կապերը խաթարելուց: Չինաստանը երկար ժամանակ փորձում էր իրեն դիրքավորել որպես պոտենցիալ միջնորդ հակամարտության կարգավորման հարցում՝ առաջ քաշելով պատերազմի լուծման սեփական անորոշ ձևակերպված առաջարկը: Բայց Արևմուտքում նրա խաղադրույքը մինչ այժմ ստվերված է մեկ այլ իրականությամբ՝ Պեկինի անսասան աջակցությունը Պուտինյան Ռուսաստանին: