ԱՄՆ-ն Ուկրաինայի համար ծրագիր չունի․ Եվրոպացի պաշտոնյա

ԱՄՆ կառավարությունը ներկայումս չունի Ուկրաինայում հակամարտությունը դադարեցնելու կոնկրետ ծրագիր, և Վաշինգտոնը դիտարկում է իր դաշնակիցների բոլոր առաջարկները, ներառյալ Ռուսաստանի դեմ պատժամիջոցների հնարավոր խստացումը, Fox News-ին ասել է եվրոպացի պաշտոնյան՝ անանունության պայմանով:

«Ավարտման բոլոր տարբերակները սեղանին են։ Թրամփը կորոշի գործողությունների ընթացքը: Պատժամիջոցները խստացնելու համար դեռ շատ հնարավորություններ կան»,- աղբյուրի խոսքերն է մեջբերում Fox News-ը։

ԱՄՆ նախագահ Դոնալդ Թրամփի վարչակազմը դեռևս չունի հակամարտությունը կարգավորելու կոնկրետ ծրագիր՝ չնայած հանրային հաղորդագրություններին, ասել է եվրոպացի պաշտոնյան։

Նա նաև հավելել է, որ Արևմուտքը կարծում է, որ Թրամփի, Ռուսաստանի նախագահ Վլադիմիր Պուտինի և Վլադիմիր Զելենսկու բանակցությունները «բարդ» են սպասվում։