Ռուսաստանը պատրաստ է օգնել Սուդանի ճգնաժամի կարգավորմանը․ Լավրով

Մոսկվան պատրաստ է արտաքին այլ խաղացողների հետ միասին աջակցել Սուդանում իրավիճակի կարգավորմանը, հայտարարել է ՌԴ ԱԳ նախարար Սերգեյ Լավրովը, գրում է Euromedia24-ը։

 

«Իհարկե, մենք՝ որպես լավ ընկերներ, անհանգստացած ենք այն դրամատիկ իրադարձություններով, որոնք այժմ տեղի են ունենում Սուդանում, մենք այլ արտաքին խաղացողների հետ միասին ցանկանում ենք օգնել կարգավորել իրավիճակը», - ասել է նախարարը Սուդանի արտգործնախարար Ալի Յուսեֆ Շարիֆի հետ բանակցությունների սկզբում։

 

Լավրովի խոսքով՝ Սուդանի հետ երկկողմ համագործակցության վերականգնումն ամբողջությամբ կախված է անվտանգության պայմաններից։

 

Սուդանի ԱԳՆ ղեկավարն, իր հերթին, ասել է, որ իր երկիրը գնահատում է, որ Ռուսաստանի Դաշնությունը «կողք կողքի» կանգնած է սուդանի ժողովրդի հետ, մինչդեռ Սուդանը «լուրջ պատերազմի միջով է անցնում, որը տեղի է ունենում բանակի և արագ արձագանքման ուժերի միջև»։