Մեդվեդևը մեկնաբանել է Պուտինի և Թրամփի առանձնազրույցը

ՌԴ Անվտանգության խորհրդի փոխնախագահ Դմիտրի Մեդվեդևը Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի զրույցը կարևոր է համարել աշխարհի համար։ Այս մասին նա գրել է VKontakte-ի իր էջում։

Նրա խոսքով, Թրամփի և Պուտինի զրույցը կարևոր է, քանի որ երկու երկրների հարաբերությունների փլուզումը աշխարհը թողել է ապոկալիպսիսի շեմին:

«Ռուսաստանի և Միացյալ Նահանգների նախագահների զրույցը տեղի է ունեցել։ Սա ինքնին շատ կարևոր է։ ԱՄՆ-ի նախորդ վարչակազմը կրճատեց բարձր մակարդակի բոլոր շփումները՝ ցանկանալով պատժել և նվաստացնել Ռուսաստանին։ Արդյունքն այն էր, որ աշխարհը հավասարակշռվում է ապոկալիպսիսի շեմին»,- նշել է Մեդվեդևը։

Ավելի վաղ ՌԴ Հանրային պալատի ինքնիշխանության հարցերով հանձնաժողովի նախագահ, նոր շրջանների ինտեգրման համակարգող խորհրդի համանախագահ Վլադիմիր Ռոգովը հայտարարել էր, որ ԱՄՆ նախագահ Դոնալդ Թրամփի կոչը նախ՝ իր ռուս գործընկեր Վլադիմիր Պուտինին, ապա՝ Ուկրաինայի նախագահ Վոլոդիմիր Զելենսկիին, խորհրդանշական է։