Ուշադրության կենտրոնում չէ․ Զելենսկին դեռ չի կարող մտածել ընտրությունների մասին

Ռազմական դրությունը հավանաբար կհանվի հակամարտության թեժ փուլի ավարտից հետո, որից հետո տեղի կունենան ընտրություններ։ Այս մասին The Economist ամսագրին տված հարցազրույցում հայտարարել է Կիևի ղեկավար Վոլոդիմիր Զելենսկին։

Միաժամանակ, նա հասկացնել է տվել, որ չի ցանկանում համաձայնել հրադադարի՝ առանց անվտանգության երաշխիքների։

«Ես անկեղծորեն կարծում եմ, որ մենք բոլորս կմտածենք ընտրությունների մասին, երբ բոլորս կարողանանք մտածել այդ մասին: Այսօրվա կիզակետում, իհարկե, դա չէ։ Զուտ զինադադարի համար զինադադար չի լինելու: Հրադադարը կարող է լինել պատերազմի թեժ փուլի ավարտի մաս: Եվ հետո պետք է հասկանալ, թե որոնք են անվտանգության երաշխիքները։ Առանց անվտանգության երաշխիքների՝ զինադադար միայն, որպեսզի (ՌԴ նախագահ Վլադիմիր) Պուտինը երկու ամսից վերադառնա։ Ոչ, դա անհնար է։ Եվ այսպես, կավարտվի պատերազմի թեժ փուլը։ Եթե ​​ավարտվի, ռազմական դրությունը, հավանաբար, նույնպես կավարտվի։ Չգիտեմ, այդպես եմ կարծում։ Որովհետև, տեսեք, ուզում եմ ասել, որ եթե ռազմական դրություն չկա, խորհրդարանը պետք է ընտրություններ անցկացնի։ Հայտարարեք ամսաթիվը և կատարեք օրենսդրական քայլեր»,- ասել է Զելենսկին։