Ադրբեջանը մտադիր է արտաքսել Россия сегодня-ի 39 աշխատակցի

Ադրբեջանը որոշել է «ճշգրտումներ կատարել երկրում օտարերկրյա լրատվամիջոցների ներկայացուցչությունների և մասնաճյուղերի իրական գործունեության մեջ՝ «գոյություն ունեցող անհավասարությունը վերացնելու համար»,-գրում է Caliber.Az-ը։

Նշվում է, որ ճշգրտումները կանդրադառնան, մասնավորապես, Sputnik-Azerbaijan հրատարակությանը, որը երկրում գործում է՝ որպես Россия сегодня-ի մասնաճյուղ։

«Ռուսաստանում և Ադրբեջանում համապատասխանաբար Ադրբեջանի և Ռուսաստանի պետական ​​լրատվական գործակալությունների ներկայացվածության մեջ առկա անհավասարությունը վերացնելու համար մեր երկրում կաշխատեն Россия сегодня-ի նույնքան թղթակիցներ, որքան Ռուսաստանում կան «Ազերթաջի» թղթակիցներ»,- ասված է հաղորդագրությունում։

Ադրբեջանական հրապարակման համաձայն՝ Россия Сегодня-ի Բաքվի մասնաճյուղի աշխատանքներում ներգրավված է մոտ 40 մարդ։

«Սպասվում է, որ մասնաճյուղն ինքնին կլուծարվի։ Россия Сегодня-ն կշարունակի աշխատել Ադրբեջանում մեկ թղթակցի հետ, որի գործունեությունը կկարգավորվի Ադրբեջանի Հանրապետության օրենսդրությանը և Ռուսաստանի Դաշնության և Ադրբեջանի Հանրապետության կառավարությունների միջև 2001 թվականի հունվարի 9-ին ԶԼՄ-ների թղթակիցների կարգավիճակի մասին համաձայնագրին համապատասխան», - նշվում է զեկույցում։