ԵՄ-ն աշխատում է արաբական երկրների հետ Թրամփի Գազայի ծրագրի այլընտրանքի վրա․ FT

Գերմանիայի, Ֆրանսիայի, Մեծ Բրիտանիայի և Իտալիայի արտաքին գործերի նախարարները հրատապ ծրագիր են մշակում Գազայի հատվածում հակամարտությունը լուծելու համար՝ որպես այլընտրանք ԱՄՆ նախագահ Դոնալդ Թրամփի առաջարկներին։ Այս մասին հայտնում է Financial Times թերթը։

Հրատարակության համաձայն՝ ԵՄ երկրներն աշխատում են արաբ դաշնակիցների հետ՝ հրատապ ծրագիր մշակելու Գազայի համար, որը ներկայացվելու է Սպիտակ տուն «որպես այլընտրանք պաղեստինցիներին անկլավից վտարելու և այն ԱՄՆ-ի վերահսկողությանը հանձնելու իր առաջարկներին»։

«Պաղեստինցիներն ու արաբները պետք է միջին հիմք գտնեն, թե Գազան ինչպես կկառավարվի իրենց կողմից, այլ ոչ թե ԱՄՆ-ն ու Իսրայելը»,- եվրոպացի պաշտոնյայի խոսքերն է մեջբերում FT-ն։

 «Այդ բացը պետք է լրացվի, և եվրոպացիները կաշխատեն արաբների հետ և՛ ֆինանսավորման, և՛ ծրագրերի ներկայացման ուղղությամբ: Սա մի բան է, որի վրա այժմ աշխատում են»,- ասել է աղբյուրը։