Ռուսաստանցիներն իրենց կարծիքն են հայտնել Պուտինի մասին․ հարցում

Ռուսաստանի քաղաքացիների վստահության մակարդակն իրենց նախագահ Վլադիմիր Պուտինի նկատմամբ մեկ շաբաթվա ընթացքում աճել է 2%-ային կետով և կազմել է 80%։ Երկրում հարցված ռուսաստանցիները կարծում են, որ նա լավ է անում իր աշխատանքը։ Այս մասին են վկայում «Հասարակական կարծիք» հիմնադրամի անցկացրած հարցման արդյունքները։

Հարցումն անցկացվել է փետրվարի 7-9-ը՝ 1500 չափահաս ռուսների շրջանում։

Հարցման մասնակիցները դրական են գնահատել նաև ՌԴ կառավարության աշխատանքը (53%)։ Քաղաքացիների 57%-ը նշել է, որ վարչապետ Միխայիլ Միշուստինը լավ է կատարում իր աշխատանքը։

Անցած շաբաթ հաղորդվել էր, որ ՌԴ նախագահ Վլադիմիր Պուտինի նկատմամբ ռուսների վստահության մակարդակը կազմում է 78%։

Ռուսաստանի Հանրային պալատի օրինագծերի հանրային քննության հանձնաժողովի նախագահի առաջին տեղակալ, քաղաքագետ Ալեքսանդր Ասաֆովը նշել է, որ Պուտինի նկատմամբ վստահության բարձր մակարդակը սեպտեմբերի 6-8-ի ընտրություններին վերջին 10 տարվա ընթացքում ռեկորդային մասնակցության հիմնական պատճառներից մեկն է։