Եվրոպան և Ուկրաինան «սարսափած» են Պուտին-Թրամփ բանակցություններից․ WP

Եվրոպացի և ուկրաինացի պաշտոնյաները լիովին անպատրաստ էին այն փաստին, որ Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը սկսեցին ուղիղ երկխոսություն վարել ուկրաինական հակամարտության կարգավորման շուրջ։ Այս մասին գրում է The Washington Post թերթը։

Նրա տեղեկություններով՝ շատ ուկրաինացիներ «սարսափած» են Ռուսաստանի Դաշնության և ԱՄՆ-ի ղեկավարների զրույցից։ Ինչպես նշում է հրատարակությունը, երկու նախագահների հեռախոսազրույցում Եվրոպան չի հիշատակվել։

Այս առումով եվրոպացի առաջնորդները մտավախություն ունեն, որ Եվրամիության պաշտպանության շահերը հետին պլան են մղվելու, և Թրամփը «կշրջանցի դրանք» Ռուսաստանի հետ բանակցություններում։

Եվրոպացի քաղաքական գործիչները նույնպես ապշած էին Պենտագոնի ղեկավար Փիթ Հեգսեթի՝ Բրյուսելում արևմտյան կոնտակտային խմբի վերջին հանդիպման ժամանակ Ուկրաինայի վերաբերյալ արված հայտարարություններից։