Կարելի է վերականգնել ԱՄՆ-Ռուսաստան հարաբերությունները․ Վենս

Միացյալ Նահանգների փոխնախագահ Վենսը առաջարկել է վերականգնել ԱՄՆ-ի հարաբերությունները Ռուսաստանի հետ՝ ուկրաինական հակամարտության հաջող լուծման դեպքում։ Այս մասին հինգշաբթի օրը հայտնել է The Wall Street Journal-ը՝ հիմնվելով Վենսի հետ զրույցի վրա։

Ռուսաստանի նախագահ Վլադիմիր Պուտինն ու ԱՄՆ նախագահ Դոնալդ Թրամփը փետրվարի 12-ին կայացած հեռախոսազրույցում, ի թիվս այլ հարցերի, քննարկել են Ուկրաինայում կարգավորման հեռանկարները։

Կրեմլի տվյալներով՝ Թրամփը հանդես է եկել ռազմական գործողությունների արագ դադարեցման և խնդրի խաղաղ լուծման օգտին։

Պուտինը նշել է հակամարտության բուն պատճառները վերացնելու անհրաժեշտությունը և համաձայնել է Թրամփի հետ, որ երկարաժամկետ կարգավորման կարելի է հասնել խաղաղ բանակցությունների միջոցով, նշել է ՌԴ ղեկավարի մամուլի ծառայությունը։

Թրամփը Truth Social-ում գրել է, որ Մոսկվան և Վաշինգտոնն անմիջապես բանակցություններ են սկսում Ուկրաինայի հակամարտությունը լուծելու համար։