Թրամփի քաղաքականությունը էլեկտրաշոկ է Եվրոպայի համար․ Մակրոն

ԱՄՆ նախագահ Դոնալդ Թրամփի վերադարձը Սպիտակ տուն և պետության ղեկավարի պաշտոնում նրա առաջին հայտարարությունները համեմատելի են էլեկտրաշոկի ազդեցության հետ և պետք է խրախուսեն Եվրոպային պատասխանատվություն ստանձնել իր անվտանգության և Ուկրաինայի ապագայի համար, ասել է Ֆրանսիայի նախագահ Էմանուել Մակրոնը Financial Times-ին տված հարցազրույցում։

«Սա էլեկտրաշոկ է։ Մեզ անհրաժեշտ են ասիմետրիկ ցնցումներ, արտաքին ցնցումներ»,- ասել է Ֆրանսիայի նախագահը։

Նրա կարծիքով՝ Թրամփի գործողությունները պետք է դիտարկել որպես խթան, որը ԵՄ-ին դրդելու է ներդրումներ կատարել սեփական պաշտպանական, տնտեսական և տեխնոլոգիական վերածննդի մեջ։

Եվրոպական երկրները պետք է «մկաններ ձևավորեն» և ավելի մեծ ուշադրություն դարձնեն այս հարցերին, համոզված է Մակրոնը. «Եվրոպայի համար սա արագացնելու և գործելու պահն է»։

«Մենք պետք է նաև զարգացնենք լիովին ինտեգրված եվրոպական պաշտպանական, արդյունաբերական և տեխնոլոգիական բազա»,- hավելել է նա։