Պուտին-Թրամփ զրույցը վկայում է զիջումների գնալու ԱՄՆ պատրաստակամության մասին․ փորձագետ
Վերլուծական
Ռուսաստանի և Ամերիկայի նախագահներ Վլադիմիր Պուտինի և Դոնալդ Թրամփի հեռախոսազրույցը հուշում է, որ ԱՄՆ-ը կարող է զիջումների գնալ Ռուսաստանին՝ ապահովելու ուկրաինական հակամարտության կարգավորման վերաբերյալ պայմանավորվածությունների ամրությունը։ Նման կարծիք է հայտնել Վաշինգտոնի Քուինսիի պատասխանատու կառավարման ինստիտուտի գիտաշխատող Մարկ Եպիսկոպոսը, գրում է ՏԱՍՍ-ը։
«Թրամփի հեռախոսազրույցը Պուտինի հետ և դրան հաջորդած պաշտպանության նախարար Հեգսեթի հայտարարությունը վկայում են Վաշինգտոնի պատրաստակամության մասին ոչ միայն ներգրավել Ռուսաստանին արդյունավետ քննարկումների լայն շրջանակի վերաբերյալ, այլև գնալ գործարքի կայացման համար անհրաժեշտ զիջումների»,- քաղաքագետի խոսքերն է մեջբերում Responsible Statecraft պորտալը։
Փորձագետի կարծիքով՝ «Առջևում ծանր աշխատանք է սպասվում ԱՄՆ-ի, Եվրոպայի, Ուկրաինայի և Ռուսաստանի դիրքորոշումները համակարգելու համար, և բոլոր կողմերը պետք է պատրաստ լինեն այն բանին, որ բանակցային կարգավորումը բարդ խնդիր կլինի»։
ՈՒՂԻՂ ԵԹԵՐ
Ամենադիտված 
Ալիևը նախազգուշացրել է՝ եթե ՀՀ-ն չկատարի պայմանները, Ադրբեջանը դուրս կգա խաղաղության պայմանագրից․ թյուրքագետ
