Իլոն Մասկը 13-րդ անգամ հայր է դարձել (լուսանկարներ)

Իլոն Մասկը հայր է դարձել 13-րդ անգամ։ Հեղինակ Էշլի Սենթ Քլերը պնդում է, որ հինգ ամիս առաջ լույս աշխարհ է բերել աշխարհի ամենահարուստ մարդու երեխային: Այս մասին գրում է Page Six-ը։

Սենթ Քլերը ուրբաթ օրը X սոցիալական հարթակում հրապարակել է ծավալուն հաղորդագրություն՝ հայտնելով, որ ինքը և Tesla-ի հիմնադիրը միասին երեխա են ունեցել:

«Հինգ ամիս առաջ ես լույս աշխարհ բերեցի երեխայի: Իլոն Մասկն է նրա հայրը։ Ես նախկինում չեմ բացահայտել այդ փաստը՝ պաշտպանելու մեր երեխայի գաղտնիությունն ու անվտանգությունը, սակայն վերջին օրերին պարզ դարձավ՝ լրատվամիջոցները մտադիր են դա անել՝ անկախ նրանից՝ այդ քայլը ինչ վնաս կպատճառի»,- գրել է նա։