Մասնագետները ինսուլտի ռիսկը նվազեցնելու պարզ միջոց են անվանել

Ատամնաթելերի կանոնավոր օգտագործումը կարող է զգալիորեն նվազեցնել իշեմիկ ինսուլտի ռիսկը: Այս եզրակացությանն են հանգել Կոլումբիայի համալսարանի բժշկական դպրոցի գիտնականները։ Նրանց հետազոտությունը ներկայացվել է 2025 թվականի ինսուլտի միջազգային կոնֆերանսում և հրապարակվել Medscape-ում։

Տվյալների վերլուծությունը ցույց է տվել, որ թելերի օգտագործումը 21%-ով նվազեցրել է իշեմիկ ինսուլտի ռիսկը։ Հատկապես նկատելի է (44%-ով) կարդիոէմբոլիկ ինսուլտի հավանականության նվազումը, որը տեղի է ունենում, երբ ուղեղային զարկերակը արգելափակվում է սրտում գոյացած արյան մակարդուկով։ Հետազոտողները նաև պարզել են, որ այն մարդկանց մոտ, ովքեր պարբերաբար ատամնաթել են օգտագործում, 12%-ով ավելի քիչ հավանական է, որ զարգանա նախասրտերի ֆիբրիլացիա:

Գիտնականներն ընդգծել են, որ հայտնաբերված հարաբերակցությունը պահպանվում է՝ անկախ ատամները լվանալու հաճախականությունից կամ ատամնաբույժին այցելելուց, և ատամնաթելի ազդեցությունը բացատրել են բերանի խոռոչում բորբոքային պրոցեսների նվազեցմամբ։ Բորբոքումը, ինչպես պարզել են հետազոտողները, կապված է անոթների կոշտության ավելացման, ինչպես նաև աթերոսկլերոզի, սրտի կաթվածի և ինսուլտի զարգացման հետ: