Նշանակվեց երկրորդ հոգեբանական փորձաքննությունը Անդերս Բրեյվիկի նկատմամբ

Նորվեգիայի դատարանը երկրորդ հոգեբանական փորձաքննությունն է նշանակել երկրում իրականացված կրկնակի ահաբեկչության հեղինակ Անդերս Բրեյվիկի նկատմամբ:

Associated Press-ի հաղորդմամբ՝ դատավոր Վենչ Էլիզաբեթ Արնթզենը նոր փորձաքննությունն անհրաժեշտ է համարել առաջինի արդյունքների վերաբերյալ բոլոր կասկածները ցրելու համար:

Նոյեմբերի վերջին անցկացված առաջին հոգեբանական փորձաքննության արդյունքում բժիշկները հայտարարել էին, որ հանցագործությունն իրականացնելիս Անդերս Բրեյվիկն անմեղսունակ է եղել, քանի որ նա տառապում է պարանոիդ-շիզոֆրենիայով:

2011 թվականի հուլիսի 22-ին Նորվեգիայում իրականացված կրկնակի ահաբեկչության հետևանքով զոհվեց 77 մարդ: