Արեգակնային համակարգի արտաքին հատվածում աղի ջուր են հայտնաբերել

Կիոտոյի համալսարանից ճապոնացի գիտնականները պարզել են, որ Ռյուգու երկնաքարի վրա ազկա են աղային միներալներ։ Սա նշանակում է, որ այն երկնային մարմինը, որից պոկվել է Ռյուգուն, կարող էր պարունակել հեղուկ աղի ջուր։ Այս մասին հայտնում է Nature Astronomy հանդեսը։ Երկնաքարից վերցված փորձանմուշների հետազոտությունների արդյունքում, գիտնականները հայտարարել են, որ Ռյուգուն կարող է պոկված լինել ավելի խոշոր երկնային մարմնից, որը գոյություն է ունեցել մոտ 4,5 միլիարդ տարի առաջ։ Փորձանմուշներում եղած աղային միներալները, ըստ մասնագետների, «պատմել են», թե ինչպես է հեղուկ ջուրն անհետացել Ռյուգուի համար «ծնող» հանդիսացած երկնային մարմնի վրայից։

Աղային միներալները հնարավոր է, որ ձեւավորվել են հեղուկի սահմանափակության պատճառով, որն հետագայում ամբողջապես գոլորշացել է։Կիոտոյի համալսարանի գիտնականները նշում են, որ իրենց բացահայտումն ունի կարեւոր նշանակություն՝ մոլորակների ձեւ նրանց բնական արբանյակների ձեւավորման գործընթացքում ջրի ունեցած նշանակությունը հասկանալու համար։ Նրանք ենթադրում են, որ նման աղային միներալային նստվածքներ կարող են հայտնաբերվել նաեւ Ցերերա թզուկ մոլորակի վրա, ինչպես նաեւ՝ Յուպիտերի եւ Սատուրնի բնական արբանյակների վրա, որոնցից են՝ Եվրոպան, Հանիմեդը եւ Էնցելադը, որտեղ եւս կան ստորգետնյա օվկիանոսներ։