Ինչն է Փարիզի հանդիպման ժամանակ սուր տարաձայնությունների պատճառ դարձել․ FT

Փարիզում Ուկրաինայի հարցով արտահերթ հանդիպումը մի քանի եվրոպական երկրների ներկայացուցիչների մասնակցությամբ՝ հետագա գործողությունների, այդ թվում՝ այնտեղ խաղաղապահներ ուղարկելու շուրջ կոնսենսուսի հասնելու նպատակով, նշանավորվել է դրա մասնակիցների միջև սուր հակասություններով։ Այս մասին հայտնում է Financial Times թերթը։

Հրատարակության տվյալներով՝ «եվրոպական երկրների ճգնաժամային հանդիպման ժամանակ Ուկրաինա զորքեր ուղարկելու շուրջ հակամարտություն է սկսվել»։

 Գերմանիան, Իտալիան, Լեհաստանը և Իսպանիան փետրվարի 17-ին հայտարարել էին, որ չեն ցանկանում խաղաղապահ ուժեր ուղարկել Ուկրաինա՝ ժամեր անց այն բանից հետո, երբ Բրիտանիան առաջարկել էր այնտեղ տեղակայել եվրոպական ուժեր, ասվում է հրատարակության մեջ:

Համաձայն հանդիպման մասին տեղեկացված պաշտոնյաների, Ֆրանսիան առաջարկել է իր զինված ուժերի նմանատիպ տեղակայում ապագա շփման գծի հետևում: Այնուամենայնիվ, Գերմանիայի կանցլեր Օլաֆ Շոլցը փարիզյան հանդիպումից հետո զորքերի տեղակայման մասին քննարկումն անվանել է «չափազանց անտեղի»՝ հաշվի առնելով, որ հակամարտությունը դեռ շարունակվում է։

Նման «քննարկումները բոլորովին ժամանակավրեպ են, և հիմա դրանց համար հարմար ժամանակը չէ»,- Շոլցի խոսքերն է մեջբերում FT-ն։

Նա ասել է, որ իրեն նյարդայնացնում են նման քննարկումները՝ դրանք անվանելով «անհասկանալի վեճ սխալ պահին և սխալ թեմայով»: