Ինչ են պատրաստ տրամադրել ԵՄ առաջնորդները. Reuters

Երկուշաբթի օրը Փարիզում կայացած ոչ պաշտոնական հանդիպման ժամանակ եվրոպացի առաջնորդները հայտարարել են, որ պատրաստ են Ուկրաինային տրամադրել անվտանգության երաշխիքներ, որոնց պայմանները կախված են լինելու ամերիկյան աջակցության մակարդակից։ Այս մասին հայտնում է Reuters-ը՝ հղում անելով աղբյուրներին։

«Մենք պատրաստ ենք անվտանգության երաշխիքներ տրամադրել, սակայն պայմանները կքննարկվեն բոլոր կողմերի հետ՝ կախված ամերիկյան աջակցության մակարդակից», - մեջբերում է գործակալությունը անանուն եվրոպացի պաշտոնյայի խոսքերը։

Եվրոպացի առաջնորդները նաև կարծում են, որ Ուկրաինայի համար անվտանգ չէ ռազմական գործողությունների դադարեցումը մինչև Ռուսաստանի հետ պաշտոնական խաղաղության համաձայնագրի ստորագրումը: