Էր Ռիադում ընթացող Ռուսաստանի և ԱՄՆ-ի միջև բանակցություններում ընդմիջում է հայտարարվել
Համաշխարհային Մամուլ
Սաուդյան Արաբիայում ռուսական և ամերիկյան պատվիրակությունների միջև բանակցությունները կարճ ընդմիջումով դադարեցվել են և շուտով կվերսկսվեն։ Այս մասին հայտնում է РИА Новости-ն՝ հղում անելով ՌԴ ԱԳՆ-ին։
Հայտնի է դարձել նաև, որ բանակցությունների վերջնական ավարտից հետո ՌԴ ԱԳ նախարար Սերգեյ Լավրովը կպատասխանի լրագրողների հարցերին։
Ռուսաստան-ԱՄՆ հանդիպումը նվիրված է մի շարք տնտեսական նախագծերի շուրջ համագործակցության վերականգնմանը, ինչպես նաև ուկրաինական կարգավորման շուրջ հնարավոր շփումների նախապատրաստմանը և երկու նախագահների հանդիպումների կազմակերպմանը։
Ռուսաստանի Դաշնությունից բանակցությունների սեղանի շուրջ ՌԴ ԱԳ նախարար Սերգեյ Լավրովն ու նախագահի օգնական Յուրի Ուշակովն են։ ԱՄՆ-ի կողմից բանակցում են նախագահ Դոնալդ Թրամփի ազգային անվտանգության հարցերով խորհրդական Մայք Վալցը, պետքարտուղար Մարկո Ռուբիոն և Մերձավոր Արևելքի հարցերով Թրամփի հատուկ բանագնաց Սթիվեն Վիտկոֆը։
