Լավրովի հայտարարել է՝ ինչ պայմանավորվեցին Ռուսաստանն ու ԱՄՆ

Ռուսաստանի և ԱՄՆ-ի միջև ուկրաինական հակամարտության կարգավորման շուրջ բանակցությունները սկսվելու են երկու կողմերի ներկայացուցիչների նշանակմամբ այս թեմայով։ Այս մասին Սաուդյան Արաբիայում բանակցություններից հետո լրագրողներին ասել է ՌԴ ԱԳ նախարար Սերգեյ Լավրովը, փոխանցում է RBC-ն։

Նրա խոսքով, մոտ ապագայում անհրաժեշտ է սկսել «ուկրաինական կարգավորման գործընթացը»։

«Մոտ ապագայում ԱՄՆ-ը կնշանակի իր ներկայացուցչին, որից հետո մենք կնշանակենք մերը»,- ասել է Լավրովը։

Սրանից հետո, Լավրովի խոսքով, կողմերի միջեւ սկսվելու են խորհրդակցություններ։

ԱՄՆ-ը և Ռուսաստանը նշանակելու են «համապատասխան ավագ թիմեր»՝ Ուկրաինայում իրավիճակը կարգավորելու համար, ավելի վաղ հայտնել էր Պետդեպարտամենտը։ «Հակամարտության լուծումը պետք է լինի երկարաժամկետ, կայուն և ընդունելի բոլոր կողմերի համար», ասել է նա։

Պետքարտուղարության խոսնակը հավելել է, որ կողմերը «կարևոր քայլ առաջ» են կատարել խաղաղության ճանապարհին։ Ռուսաստանի և Միացյալ Նահանգների պատվիրակությունները Սաուդյան Արաբիայի բանակցություններում «լուրջ խոսակցություն» են անցկացրել բոլոր թեմաների շուրջ, հայտարարել է ՌԴ նախագահ Վլադիմիր Պուտինի օգնական Յուրի Ուշակովը։